شادی سے قبل اور بعد بھی بالی وڈ اداکار سیف علی خان اور اداکارہ کرینہ کپور کا شمار انڈسٹری کی کامیاب شخصیات میں ہوتا ہے۔ دونوں اداکاروں نے 2012 میں شادی کی تھی۔
حال ہی میں اداکار سیف علی خان نے اپنی اہلیہ کرینہ کپور کے ٹاک شو میں بات کرتے ہوئے بتایا کہ شادی سے قبل اداکارہ رانی مکھرجی نے انہیں نصیحت کی تھی۔
سیف علی خان نے بتایا کہ کرینہ سے شادی سے قبل رانی مکھرجی نے مجھے نصیحت کرتے ہوئے کہا تھا کہ ایسے برتاؤ کرنا جیسے کہ تم ایک مرد کے ساتھ رشتے میں ہو۔ جس کا مطلب تھا کہ کرینہ کے ساتھ ہمیشہ برابری کا سلوک کریں اور رشتے میں کبھی بھی صنف کو شامل نہ کرنا۔
سیف علی خان نے کہا کہ رانی مکھرجی اس معاملے میں بالکل ٹھیک ہیں۔
خیال رہے کہ اداکار سیف علی خان اداکارہ رانی مکھرجی کے ساتھ فلم ’ہم تم‘ اور ’تارا رم پم‘ میں اداکاری کرچکے ہیں۔