اسپیکر پنجاب اسمبلی پرویز الہٰی سے وفاقی وزیر بحری امور علی زیدی نے ملاقات کی ہے۔
دوران ملاقات وزیراعظم عمران خان کے اعتماد کے ووٹ اور پنجاب میں بلا مقابلہ سینیٹر منتخب ہونے کے معاملات پر گفتگو ہوئی۔
اس موقع پر ملکی سیاسی صورتحال پر بھی تبادلہ خیال کیا گیا۔
پرویز الہٰی نے کہا کہ حکومت کے اتحادی ہونے کے ناطے وہ حکومت کی حمایت کر رہے ہیں۔
پرویز الہٰی نے مزید کہا کہ ماضی کی طرح آئندہ بھی مشاورت سے اشتراک و تعاون کا سلسلہ آگے بڑھائیں گے۔
وفاقی وزیر نے دوران گفتگو کہا کہ حکومتی معاملات میں مسلم لیگ (ق) کی قیادت کے کردار کو قدر کی نگاہ سے دیکھتے ہیں۔