کراچی (نیوز ڈیسک) کراچی کے علاقے ناظم آباد میں ٹینکر کی موٹرسائیکل کو ٹکر سے باپ بیٹی جاں بحق ہوگئے ، ٹینکر ڈرائیور جائے وقوع سے فرار ہوگیا، مشتعل افراد نے ٹینکر کو آگ لگادی ۔ پولیس کے مطابق واقعہ ناظم آباد نمبر 7نفسیاتی اسپتال کے قریب پیش آیا ۔ مقتول کی شناخت 35سالہ اخمد ولد شیر زادہ اور اس کی بیٹی 10سالہ سدرہ کے ناموں سے ہوئی ہے۔ میتوں کو عباسی شہید اسپتال منتقل کردیا گیا ۔ واقعے کے بعد مشتعل افراد نے ٹینکر کو آگ لگادی جو جل کر خاکستر ہوگیا۔