وزیراعظم عمران خان نے نئے بجٹ کی تقریر کے بعد مشترکہ مفادات کونسل (سی سی آئی) کا پہلا اجلاس کل طلب کرلیا۔
ذرائع کے مطابق سی سی آئی کا اجلاس کل شام 4 بجے وزیراعظم ہاؤس اسلام آباد میں ہوگا۔
وزیر اعظم کی زیر صدارت اجلاس میں وفاقی وزراء، چاروں صوبوں کے وزرائے اعلیٰ شریک ہوں گے۔
ذرائع کے مطابق سی سی آئی اجلاس میں صوبوں کے درمیان پانی کی تقسیم کا معاملہ زیر غور آئے گا۔
سی سی آئی کے بجٹ کے بعد ہونے و الے پہلے اجلاس میں صوبوں کو فنڈز کی فراہمی سمیت دیگر اہم امور پر گفتگو ہوگی۔
ذرائع کے مطابق اجلاس میں 18ویں آئینی ترمیم کے بعد صوبوں کے معاملات بھی زیر غور آئیں گے۔