وزیراعظم عمران خان کا کہنا ہے کہ ملک میں مذہبی اور تاریخی سیاحت کی گنجائش موجود ہے، نتھیا گلی جیسے 15 نئے سیاحتی مقامات بنائے جاسکتے ہیں۔
عمران خان نے ناران میں صحافیوں سےگفتگو کرتے ہوئے کہا کہ سیاحت کا فروغ امن کے بغیر ممکن نہیں، بیرون ممالک کے سیاح خود کو محفوظ سمجھیں گے تو پاکستان آئیں گے۔
وزیراعظم نے کہا کہ سیاحت کے حوالے سے صوبائی حکومتوں کو بائی لاز تیاری کی ہدایت کی ہے، سوئٹزرلینڈ سیاحت سے سالانہ 80 ارب ڈالر کماتا ہے۔
وزیراعظم نے کہا کہ سیاحوں کو متوجہ کرنے کیلئے کئی کھیل متعارف کرائے جارہے ہیں، پاکستان میں ونٹر ٹورازم کو فروغ دینے کی ضرورت ہے۔