ملک بھر میں انسدادِ کورونا ویکسینیشن جاری ہے، نیشنل کمانڈ اور آپریشن سینٹر (این سی او سی) کی جانب سے انسداد کورونا ویکسینیشن کے اعداد و شمار جاری کر دیئے گئے ہیں۔
این سی او سی کے اعداد و شمار کے مطابق ملک بھر میں 24 گھنٹوں کے دوران ریکارڈ ویکسینیشن کی گئی، 24 گھنٹوں میں ملک بھر میں 4 لاکھ 10 ہزار 9 افراد کو ویکسین لگائی گئی۔
این سی او سی کے اعداد و شمار کے مطابق اب تک ملک میں 1 کروڑ 55 لاکھ 81 ہزار 402 ویکسین کی خوراکیں لگائی جا چکی ہیں۔