سوشل میڈیا پر ایک 70 سالہ شخص کی ویڈیو وائرل ہورہی ہے جس میں دیکھاجاسکتا ہے کہ ریلوے انتظامیہ کے چند لوگ ایک شخص کو ٹرین کے نیچے سے نکالنے کی کوشش کررہے ہیں، تھوڑے سے سہارے سے اس شخص کو ٹرین کے نیچے سے زندہ وسلامت بھی نکلتے دیکھا جاسکتا ہے۔
ضعیف شخص کے ریلوے ٹریک پر گرنے کا واقعہ اتوار کی دوپہر 12 بجے کے بعد پیش آیا، پلیٹ فارم نمبر 4 سے اپنی منزل کے لیے رواں دواں تھی کہ عین اسی لمحے 70 سالہ ہری شنکر ریلوے ٹریک سے گزرتے وقت گر کر ٹرین کے نیچے پھنس گئے، تاہم اگر ریلوے ڈرائیور اسی لمحے ایمرجنسی بریک نہ لگاتا تو ہری شنکر لمحوں میں ریل کے نیچے آکر جاں بحق ہوجاتے۔
بعد ازاں لوگوں نے مل کر شہری ہری شنکر کو ریل کے نیچے سے نکلنے میں مدد دی۔
شہری کے گرنے کے بعد انتظامیہ کی جانب ٹریک کو عوام کے لیے بند کردیا گیا ہے۔