پاکستان پیپلز پارٹی کی رہنما اور رکن سندھ اسمبلی شرمیلا فاروقی نےکورونا وائرس کے شکار سید قائم علی شاہ کی جلد صحتیابی کے لیے نیک تمناؤں کا اظہار کیا ہے۔
مائیکرو بلاگنگ سائٹ ٹوئٹر پر شرمیلا فاروقی نے نفیسہ شاہ کا وہ بیان ری ٹوئٹ کیا جس میں اُنہوں نے اپنے والد سید قائم علی شاہ کے کورونا وائرس میں مبتلا ہونے کی اطلاع دی تھی۔
شرمیلا فاروقی نے اپنے ٹوئٹ سید قائم علی شاہ کی جلد صحتیابی کے لیے دُعا کی۔
پی پی رہنما نے سید قائم علی شاہ کے لیے نیک تمناؤں کا اظہار بھی کیا۔
واضح رہے کہ نفیسہ شاہ نے اپنے ٹوئٹ میں کہا تھا کہ ’میرے والد قائم علی شاہ کا کورونا وائرس ٹیسٹ مثبت آگیا ہے۔‘
نفیسہ شاہ نے کہا تھا کہ ’اُنہیں کورونا وائرس کی تمام علامات بھی ظاہر ہورہی ہیں اور ڈاکٹروں کی نگرانی میں گھر پر ہی اُن کا علاج جاری ہے۔‘
اُنہوں نے اپیل کرتے ہوئے کہا تھا کہ ’میرے والد کی اچھی صحت اور جلد صحت یابی کے لیے دعا کریں۔‘