ٹوکیو اولمپکس میں شاندار کارکردگی کا مظاہرہ کرنے والے اولمپیئن ارشد ندیم کا کہنا ہے کہ قوم سے جو محبت ملی اسے لفظوں میں بیان نہیں کر سکتا۔
کراچی کی نجی یونیورسٹی میں اولمپیئن ارشد ندیم کے اعزاز میں تقریب منعقد کی گئی۔
یونیورسٹی آمد پر ارشد ندیم کا شاندار استقبال کیا گیا، انہوں نے طلبا سے گفتگو میں کہا کہ کھیل کوئی بھی ہو کامیابی کے لیے محنت ضروری ہے۔
پاکستانی اولمپیئن نے مزید کہا کہ اولمپکس میں جیولین تھرو کے فائنل راؤنڈ میں ان پر بہت دباؤ تھا، جاپان کی شدید گرمی نے بھی انہیں پریشان کیا۔
ارشد ندیم نےیہ بھی کہا کہ کسی بھی شعبے میں کامیابی کے لیے محنت اور جستجو کی ضرورت ہوتی ہے۔