روس: کورونا ویکسین کے جعلی سرٹیفکیٹ کیخلاف تحقیقات شروع

روس کے شہر سینٹ پیٹرز برگ میں کورونا ویکسین کے جعلی سرٹیفکیٹ کیخلاف تحقیقات شروع کردی گئی ہے۔

تحقیقاتی کمیٹی کے مطابق ایک ڈاکٹر اور 3 نرسوں پر بغیر ویکسین لگائے 12 افراد کو سرٹیفکیٹ دینے کا الزام ہے۔

کمیٹی نے مزید بتایا کہ مذکورہ بالا افراد پر جعلی سرٹیفکیٹ کیلئے ایک لاکھ روبل (روسی کرنسی) لینے کا الزام ہے۔

روس میں کورونا کے ریکارڈ 37930 کیسز، 1069 اموات، ماسکو میں لاک ڈائون نافذ

روس میں آج کورونا وائرس کے ایک دن میں اب تک کے سب سے زیادہ 37 ہزار 930 کیس رپورٹ ہوئے۔ خبر ایجنسی کے مطابق روس میں گزشتہ 24 گھنٹوں کے دوران کورونا سے مزید 1069 اموات ہوئیں۔

ادھر پولیس نے بتایا ہے کہ عدالت نے زیر حراست ڈاکٹر کے شہر سے باہر جانے پر پابندی لگائی ہے۔

خبرایجنسی کے مطابق روس میں حالیہ دنوں میں کورونا وائرس کے نئے کیسز میں تیزی آئی ہے۔