ڈیرہ غازیخان: زیادتی کے بعد بچی کے قتل کے ملزم کو 2 بار سزائے موت

ڈیرہ غازیخان (نمائندہ جنگ)ایڈیشنل ڈسٹرکٹ اینڈ سیشن جج نے معصوم بچی کو زیادتی کے بعد گلا دبا کر قتل کرنے والے ملزم کو2بار سزائے موت اور 5لاکھ روپے جرمانے کی سزا کاحکم سنایا ہے، استغاثہ کے مطابق دراہمہ کے چاہ گھلو والا موضع گگو میں مہرین کو جنسی تشدد کانشانہ بنا نے کے بعد قتل کر دیا گیا اورایک روز بعد کھیتوں سے لاش برآمد ہوئی تھی، تھانہ دراہمہ پولیس نے قتل کی ایف آئی آر درج کر کے ملزم بلال کو گرفتار کرکے جیل بھجوایا،مقدمے کی سماعت کے بعد ایڈیشنل ڈسٹرکٹ اینڈسیشن جج محمدعظیم شیخ نے ملزم بلال کو دوبار سزائے موت اور5 لاکھ روپے جرمانے کی سزا کاحکم سنادیا ہے ،عدم ادائیگی جرمانہ ملزم کوچھ چھ ماہ قید بھگتنا ہوگی۔