فرمان الہی
نماز کے اوقات
مسلم لیگ نون کے رہنما کیپٹن (ر) صفدر اور نائب صدر مریم نواز کے صاحبزادے جنید صفدر کی بارات سے قبل قوالی نائٹ کی تقریب کا انعقاد کیا گیا۔
قوالی نائٹ سے مریم نواز کی فیملی کی کچھ نئی تصاویر سامنے آئی ہیں، جو سوشل میڈیا پر زیرِ گردش ہے۔
مریم نواز کی فیملی فوٹو میں مریم نواز، دولہے جنید صفدر، دلہن عائشہ سیف، مریم نواز کی صاحبزادیاں مہرالنساء اور ماہ نور کو دیکھا جاسکتا ہے۔
قوالی نائٹ کے لیے جنید صفدر نے نیلے بھوری رنگ کی شلوار قمیص پہننے کا انتخاب کیا اور ساتھ انہوں نے اپنے کندھے کے گرد سفید ریشمی شال ڈال رکھی تھی۔
مریم نواز نے ڈیزائنر سائرہ شکیرا کا دلکش لباس زیب تن کیا۔
قوالی نائٹ میں راحت فتح علی خان کی خدمات حاصل کی گئی تھیں جنہوں نے اپنے گانوں سے سامعین کو مسحور کیا۔
جنید صفدر کا ولیمہ 17 دسمبر کو لاہور میں ہوگا، یاد رہے کہ جنید صفدر اور عائشہ سیف کا نکاح 22 اگست کو لندن میں ہوا تھا اور سوشل میڈیا پر اِن کے نکاح کی تصاویر اور ویڈیوز بھی خوب وائرل ہوئی تھیں۔
