• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

گجرات میں سوتیلی ماں کے تشدد سے 10 سالہ لڑکا ہلاک

تازہ ترین
قومی خبریں
29 دسمبر ، 2021


گجرات میں10سالہ نورالاسلام کا پوسٹ مارٹم کر لیا گیا۔ پوسٹ مارٹم میں بچے پر تشدد کی تصدیق ہوگئی ہے۔

نور الاسلام کو گزشتہ روز اس کی سوتیلی ماں نے مبینہ طور پر بدترین تشدد کا نشانہ بنایا تھا۔

صدر تھانہ جلالپور جٹاں کے علاقے جھمٹ رانجھا کے 10 سالہ بچے نور الاسلام کا پوسٹ مارٹم مکمل کرکے لاش اس کے ماموں کے حوالے کردی گئی ہے۔

 پوسٹ مارٹم میں تشدد ثابت ہو گیا ہے، پولیس نے اس کی سوتیلی ماں کو تشدد اور قتل کے جرم میں حراست میں لے لیا ہے۔

محلے والوں کا کہنا ہے کہ نور الاسلام کی سوتیلی ماں کا رویہ پہلے بہت اچھا تھا، اس نے ہی بچے کا اسکول میں داخلہ کروایا لیکن اچانک ہی اس کا رویہ تبدیل ہوگیا۔

تازہ ترین