جنگلی بلیوں کی غیرقانونی فروخت میں ملوث شخص چڑیا گھر کا ملازم نکلا

جنگلی بلیوں کی غیر قانونی فروخت میں ملوث شخص چڑیا گھر کا سرکاری ملازم نکلا۔

سماجی رابطوں کی ویب سائٹس پر فروخت کے لئے پیش کی جانے والی بلیوں کے خریدار بن کر جانےوالے محکمہ جنگلی حیات کی ٹیم نے لیپرڈ کیٹس کو بازیاب کروالیا تھا۔

سندھ وائلڈ لائف کے انسپکٹر نعیم خان کے مطابق ملزم عامر عزیز نے سوشل میڈیا پر جانوروں کی خرید و فروخت کے لیے پیج بنایا ہوا تھا، عامر عزیز کے خلاف مقدمہ درج کرلیا گیا ہے۔

نعیم خان کے مطابق چڑیا گھر کا سرکاری ملازم جنگلی بلیوں کے علاوہ مگرمچھ کی خرید و فروخت میں بھی ملوث ہے، اس معاملے پر کافی دن سے ٹیمیں کام کر رہی تھیں۔