گلوکارہ لتا منگیشکر کی حالت تشویشناک، وینٹی لیٹر پر منتقل

بھارت کی لیجنڈری گلوکارہ لتا منگیشکر  کی حالت تشویشناک ہے، انہیں اسپتال میں وینٹی لیٹر پر منتقل کردیا گیا ہے۔

بھارتی میڈیا رپورٹس کے مطابق ممبئی کے بریچ کینڈی اسپتال میں زیرعلاج 92 سالہ گلوکارہ لتا منگیشکر کی طبیعت دوبارہ بگڑ گئی۔

ڈاکٹر پریت صمدانی نے گلوکارہ کی بگڑتی طبیعت کی تصدیق کی اور کہا کہ انہیں اب وینٹی لیٹر پر منتقل کیا گیا ہے۔

بریچ کینڈی اسپتال سے تعلق رکھنے والے ایسوسی ایٹ پروفیسر ڈاکٹر پریت صمدانی پچھلے کئی برسوں سے لتا منگیشکر کی دیکھ بھال کررہے ہیں۔

لتا منگیشکر میں کورونا کے بعد نمونیا کی تشخیص

بھارت کی لیجنڈری گلوکارہ لتا منگیشکر میں کورونا کی تشخیص کے بعد اب نمونیا کی بھی تشخیص ہوئی ہے۔

یاد رہے کہ گزشتہ ماہ کورونا کی تشخیص کے بعد سے لتا منگیشکر آئی سی یو میں زیر علاج ہیں۔

کورونا کے ساتھ ہی گلوکارہ میں نمونیا کی تشخیص بھی ہوئی تھی۔