ارسلان خالد کا مبینہ آڈیو کی تصدیق یا تردید سے انکار

پاکستان تحریک انصاف (پی ٹی آئی) سوشل میڈیا ہیڈ ارسلان خالد نے مبینہ آڈیو کی تصدیق یا تردید کرنے سے انکار کردیا۔

جیو نیوز کے پروگرام ’نیا پاکستان‘ کے میزبان شہزاد اقبال نے انکشاف کیا کہ انہوں نے ارسلان خالد سے مبینہ آڈیو سے متعلق رابطہ کیا تھا۔

شہباز گل نے بشریٰ بی بی کی مبینہ آڈیو جعلی قرار دیدی

چیئرمین پاکستان تحریک انصاف (پی ٹی آئی) عمران خان کے چیف آف اسٹاف شہباز گل نے بشریٰ بی بی کی مبینہ آڈیو لیک جعلی قرار دے دی۔

انہوں نے دورانِ پروگرام بتایا کہ پی ٹی آئی کی سوشل میڈیا ٹیم کے سربراہ ارسلان خالد سے بشریٰ بی بی اور اُن سے منسوب مبینہ آڈیو سے متعلق بات کی ہے۔

ارسلان خالد نے شو کے میزبان سے استفسار کیا کہ وہ اس پر ردعمل کیوں دیں؟ سوال تو اُن سے پوچھنا چاہیے، جو اس قسم کی چیزیں لیک کرتے ہیں یا جو آڈیو اور ویڈیو کو مکس کرنے کا کام کرتے ہیں۔