فرمان الہی
نماز کے اوقات
معروف پاکستانی سابق فاسٹ بولر شعیب اختر کی زندگی پر فلم بنائے جانے کی خبروں کی تصدیق ہو گئی ہے۔
کچھ عرصے سے سوشل میڈیا پر یہ خبریں گردش کر رہی تھیں کہ شعیب اختر کی زندگی پر بائیو پک بننے جا رہی ہے۔
شعیب اختر نے فوٹو اینڈ ویڈیو شیئرنگ ایپ انسٹا گرام پر خود ان خبروں کی تصدیق کر دی ہے۔
اُنہوں نے ایک مختصر سا ویڈیو کلپ شیئر کرتے ہوئے لکھا ہے کہ یہ ایک خوبصورت سفر کا آغاز ہے۔
شعیب اختر نے لکھا ہے کہ میں آج اپنی کہانی، اپنی زندگی پر بننے والی بایوپک کے آغاز ’راولپنڈی ایکسپریس، رننگ اگینسٹ دی اوڈز‘ کے لانچ ہونے کا اعلان کر رہا ہوں۔
اُنہوں نے لکھا ہے کہ اگر آپ کو لگتا ہے کہ آپ اس بارے میں پہلے ہی بہت کچھ جانتے ہیں تو آپ غلطی پر ہیں کیونکہ آپ ایک ایسے سفر پر جانےوالے ہیں جو آپ نے پہلے کبھی نہیں کیا۔
شعیب اختر نے بتایا ہے کہ ان کی زندگی پر کیو فلم پروڈکشنز (Q film Productions) کے بینر تلے بننے والی یہ فلم ایک بین الاقوامی پروجیکٹ ہے۔
اُنہوں نے یہ بھی بتایا ہے کہ یہ فلم کسی بھی پاکستانی کھلاڑی کے بارے میں پہلی غیر ملکی فلم ہے۔
