سوارا بھاسکر بھی فلم ’لال سنگھ چڈھا‘ کی معترف

بالی ووڈ اداکارہ سوارا بھاسکر نے فلم ’لال سنگھ چڈھا‘میں عامر خان سمیت پوری کاسٹ  کی شاندار اداکاری کی تعریف کی ہے۔ 

عامر خان کی فلم ’لال سنگھ چڈھا‘ ریلیز ہونے سے پہلے ہی تنازعات کا شکار ہوگئی تھی اور انڈین باکس آفس پر بھی کامیابی حاصل کرنے میں ناکام رہی، لیکن اب تک بھارتی فلم انڈسٹری کی کئی نامور شخصیات اس فلم کی تعریف کرچکی ہیں۔

گزشتہ روز سوارا بھاسکر نے مائیکرو بلاگنگ ویب سائٹ ٹوئٹر پر اس فلم کی کاسٹ اور بالخصوص عامر خان کی شاندار اداکاری کی تعریف کی ہے۔

اُنہوں نے اپنے ٹوئٹ میں لکھا کہ’میں فلم لال سنگھ چڈھا کو دیکھ رہی ہوں!‘

اُنہوں نے لکھا کہ’کہنا پڑے گا کہ عامر خان فلم میں ایک سکھ کے روپ میں ہینڈسم لگ رہے ہیں!‘

اُنہوں نے مزید لکھا کہ ’اس کے علاوہ چھوٹا لال اور چھوٹی روپا بھی بہت پیاری ہے‘۔ 

لال سنگھ چڈھا کا بائیکاٹ جاری، ’پٹھان‘ کا بے تابی سے انتظار

بھارتی فلم انڈسٹری کے بادشاہ شاہ رخ خان کی فلم’پٹھان‘ نے ریلیز ہونے سے پہلے ہی سوشل میڈیا پر تہلکا مچا دیا ہے۔

سوارا بھاسکر نے اپنے ٹوئٹ کے آخر میں اداکارہ مونا سنگھ سمیت فلم کی دیگر کاسٹ کی اداکارانہ صلاحیتوں کی بھی تعریف کی۔

واضح رہے کہ ادویت چندن اور اتل کلکرنی کی فلم ’لال سنگھ چڈھا‘ رابرٹ زیمیکس اور ایرک روتھ کی فلم ’فاریسٹ گمپ‘ کا ہندی ورژن ہے، اس فلم کی کہانی ایک ایسے شخص کی زندگی پر مبنی ہے جوکہ صرف اپنی مہربان طبیعت سے دنیا کو بدل دیتا ہے۔