فرمان الہی
نماز کے اوقات
آئرلینڈ ویمن ٹیم نے تیسرے اور فیصلہ کُن ٹی ٹوئنٹی میچ میں پاکستان کو شکست دے کر سیریز دو ایک سے جیت لی۔
آئرلینڈ کی جانب سے دیے گئے 168 رنز کے ہدف کے جواب میں پاکستان ویمن ٹیم 18.5 اوورز میں 133 رن بنا کر آؤٹ ہوگئی۔
ہدف کا تعاقب کرتے ہوئے پاکستان کی جویریہ خان نے 36 گیندوں پر 7 چوکوں کی مدد سے نصف سنچری بنائی جو ان کی ٹی ٹوئنٹی انٹرنیشنل کیریر کی 10ویں نصف سنچری تھی۔
پاکستان کی ندا ڈار 26 اور فاطمہ ثنا نے 14 رنز بنائے۔ آئرش کھلاڑی آرلین کیلی اور لاورا ڈیلینی نے تین تین وکٹیں حاصل کیں۔
اس سے قبل لاہور کے قذافی اسٹیڈیم میں آئرلینڈ نے پہلے بیٹنگ کرتے ہوئے 4 وکٹوں پر 167رنز بنائے۔ ایمی ہنٹر 40 اور گیبی لوئس 71 رنز بنا کر نمایاں رہیں۔
واضح رہے کہ اس سے قبل تین ون ڈے میچز کی سیریز میں پاکستان ویمن ٹیم نے آئرلینڈ کو کلین سوئپ شکست دی تھی۔
