عمران خان وہی جنگ لڑ رہے ہیں جو قائد اعظم نے 1947ء میں لڑی، فواد چوہدری

پاکستان تحریک انصاف (پی ٹی آئی) کے سینئر رہنما فواد چوہدری نے کہا ہے کہ عمران خان وہی جنگ لڑ رہے ہیں جو 1947ء میں قائداعظم اور اُن کے ساتھیوں نے لڑی تھی۔

جہلم میں پی ٹی آئی لانگ مارچ کے شرکاء سے خطاب میں فواد چوہدری نے کہا کہ ہم ذاتی جھگڑا نہیں کر رہے، عوام کے حقوق کی بات کر رہے ہیں، اس جنگ میں عمران خان نے اپنا لہو دیا ہے۔

وفاق کے اقدام پر جوابی حکمت عملی کیا ہو؟ عمران خان نے زمان پارک میں اہم اجلاس بلالیا

وفاقی حکومت کے اقدامات پر جوابی حکمت عملی کیا ہو؟ عمران خان نے پارٹی کی اہم لیڈرشپ کو آج رات زمان پارک بلالیا۔

انہوں نے کہا کہ عمران خان کو ہٹانے کی کوشش پاکستان کو کمزور کرنے کی کوشش ہے، 4 سال بعد اسکینڈل کیا لے کر آرہے ہیں کہ 3 کروڑ کی گھڑی بیچ دی۔

پی ٹی آئی رہنما نے مزید کہا کہ جو پورا ملک لے کر کھا گئے ان کا پتا ہی نہیں ہے، الیکشن کمشنر ن لیگ کے لیے 1122 بنی ہوئی ہے، جہاں ن لیگ مشکل میں آتی ہے وہ فون گھماتے ہیں۔

ان کا کہنا تھا کہ ہماری حکومت میں کسی صحافی پر تشدد نہیں کیا گیا، اس حکومت میں کیا گیا، ہم کہہ رہے ہیں اعظم سواتی اور ارشد شریف کیس کا سوموٹو لیں، سپریم کورٹ ٹس سے مس نہیں ہو رہی۔