ہوشاب: سیکیورٹی فورسز کا انٹیلی جنس بیسڈ آپریشن، 10 دہشتگرد ہلاک

29 نومبر ، 2022

بلوچستان کے علاقے ہوشاب میں سیکیورٹی فورسز کے انٹیلی جنس بیسڈ آپریشن میں 10 دہشتگرد مارے گئے جبکہ ایک کو زخمی حالت میں گرفتار کرلیا۔

آئی ایس پی آر کے مطابق آپریشن کے دوران دہشتگردوں نے سیکیورٹی فورسز پر فائرنگ کی، شدید فائرنگ کے تبادلے کے دوران 10 دہشتگرد مارے گئے۔

سیکیورٹی فورسز نے ایک دہشتگرد کو زخمی حالت میں گرفتار کرلیا جبکہ 2 فرار ہوگئے۔

آئی ایس پی آر کا کہنا ہے کہ دہشتگردوں سے دیسی ساختہ بم، اسلحہ اور گولہ بارود کا بھاری ذخیرہ بھی برآمد کیا گیا جبکہ مفرور دہشتگردوں کا سراغ لگانے کے لیے علاقے میں آپریشن جاری ہے۔

دہشتگرد معصوم شہریوں اور سیکیورٹی فورسز پر حملے میں ملوث تھے، آپریشن خفیہ اطلاعات کی بنیاد پر کیا گیا۔

آئی ایس پی آر کے مطابق دہشتگرد ہوشاب ایم 8 موٹروے پر آئی ای ڈیز دھماکوں میں بھی ملوث تھے۔

آئی ایس پی آر نے مزید کہا کہ سیکیورٹی فورسز بلوچستان کا امن، استحکام اور ترقی سبوتاژ کرنے کی کوششیں ناکام بنانے کیلئے پُرعزم ہیں۔

قومی خبریں سے مزید