فیروز خان نے علیزے کو ہتکِ عزت کا قانونی نوٹس بھیج دیا

17 جنوری ، 2023

پاکستان شوبز انڈسٹری کے معروف اداکار فیروز خان نے سابقہ اہلیہ علیزے سمیت خود پر جھوٹے اور بے بنیاد الزامات لگانے والی تمام شوبز شخصیات کو ہتکِ عزت کے قانونی نوٹس بھجوادیے۔

فیروز خان نے فوٹو اینڈ ویڈیو شیئرنگ ایپ انسٹاگرام پر اپنے مداحوں کو یہ اطلاع دی ہے کہ ان کے وکیل فائق علی جاگیرانی نے ان کی سابقہ اہلیہ علیزے سمیت جھوٹے اور بے بنیاد الزامات لگانے والی تمام شوبز شخصیات کو قانونی نوٹس بھجوادیے ہیں۔

اداکار کی جانب سے شیئر کی گئی دستاویز کے مطابق، ہتکِ عزت کا قانونی نوٹس سابقہ اہلیہ علیزے، مصدق ملک، شرمین عبید چنائے، عاصم اظہر، عثمان خالد بٹ، میرا سیٹھی، منال خان، ایمن خان، سروت گیلانی، یاسر حسین، اور فرحان سعید کو ہتکِ عزت کا قانونی نوٹس بھیجا گیا ہے۔

فیروز خان کے اس اقدام پر ان کے مداحوں کی جانب سے خوشی اور یکجہتی کا اظہار کیا جارہا ہے۔

واضح رہے کہ فیروز خان کی سابقہ اہلیہ علیزے نے ان پر گھریلو تشدد کے الزامات لگائے تھے جس کے بعد پاکستان شوبز انڈسٹری کی کئی نامور شخصیات اس معاملے میں علیزے کی حمایت میں سامنے آئیں اور اداکار کو برا بھلا بھی کہا۔

انٹرٹینمنٹ سے مزید