قانون اور عوام کی عدالت سے رجوع کریں گے، اسد عمر

پاکستان تحریک انصاف (پی ٹی آئی) کے مرکزی رہنما اسد عمر نے کہا ہے کہ پارٹی نے قانون اور عوام کی عدالت سے رجوع کرنے کا فیصلہ کیا ہے۔

زمان پارک لاہور میں پارٹی کے اہم اجلاس کے بعد میڈیا بریفنگ میں اسد عمر نے کہا کہ لاہور ہائی کورٹ میںکل ہمارے کیس کی سماعت ہو گی، عدالت عالیہ نے آئین کے مطابق فیصلہ دینا ہے۔

فواد چوہدری نے الیکشن کمیشن کیخلاف بیان دیا، جس پر وہ قائم ہیں، رانا ثناء اللّٰہ

وفاقی وزیر داخلہ راناثناءاللّٰہ نے کہا کہ فوادچوہدری نے الیکشن کمیشن کے خلاف بیان دیا، وہ اپنے بیان پر قائم بھی ہیں۔

انہوں نے کہا کہ اس وقت آئین خطرے میں ہے، ان لوگوں کا دستور پر عمل کرنے کا ارادہ نہیں، پی ٹی آئی قانون اور عوام کی عدالت سے رجوع کرے گی۔

پی ٹی آئی کے مرکزی رہنما نے مزید کہا کہ عمران خان کی لیڈر شپ میں عدالت کی مدد سے آئین برقرار رہے گا۔

ان کا کہنا تھا کہ پی ٹی آئی قیادت صدر مملکت کی توجہ ایجنسیوں کی بڑھتی مداخلت کی جانب دلوانا چاہتی ہے اور زور دیتی ہے کہ بنیادی انسانی حقوق کی پامالیوں کا نوٹس لیں۔

عمران خان قومی اسمبلی کے 33 حلقوں پر پارٹی امیدوا ر ہوں گے، شاہ محمود قریشی

پاکستان تحریک انصاف (پی ٹی آئی) نے قومی اسمبلی 33 حلقوں پر ضمنی الیکشن میں عمران خان کو بطور امیدوار اتارنے کا فیصلہ کرلیا۔

اسد عمر نے یہ بھی کہا کہ پی ڈی ایم کی سرکارجس طرح سے معیشت چلا رہی ہے اس پر تشویش کا اظہار کرتے ہیں، بیروز گاری میں اضافہ ہو رہا ہے، ملک دیوالیہ پن کے قریب ہے۔

انہوں نے کہا کہ پی ڈی ایم نے اقتدار میں آکر عوام کو بدترین مہنگائی دی، ہوشربا مہنگائی اور بڑھتی بیروزگاری سے ملک دیوالیہ پن کی دہلیز پر آکھڑا ہوا ہے۔