تحریک انصاف کے سابق ایم پی اے شبیر گجر کے بھائی کے ڈیرے پر چھاپا

لاہور پولیس نے تحریک انصاف کے سابق رکن پنجاب اسمبلی شبیر گجر کے بھائی خالد گجر کے ڈیرے پر چھاپا مارا۔

ذرائع کے مطابق چار سے پانچ ملازموں کو گرفتار کرلیا گیا۔

پولیس کے مطابق شبیر گجر اور خالد گجر کے خلاف مقدمہ درج ہے، مقدمہ نجی سوسائٹی کے لینڈ سیکیورٹی منیجر نے درج کروایا ہے۔

ایف آئی آر کے مطابق نجی سوسائٹی نے ایک شخص سے زمین خریدی، زمین کی نشاندہی کروانے گئے تو گجر برادری کے افراد نے حملہ کر دیا۔

ایف آئی آر کے میں مزید کہا گیا ہے کہ ملزمان کی فائرنگ سے نجی سوسائٹی کا گارڈ جنید خان زخمی ہوا، ملزمان کے تشدد سے بھی تین افراد زخمی ہوئے تھے۔