عامر لیاقت کی نازیبا ویڈیوز کیس، دانیہ شاہ کی درخواست ضمانت پر فیصلہ محفوظ

سندھ ہائیکورٹ نے عامر لیاقت کی نازیبا ویڈیوز وائرل کرنے کے کیس میں ملزمہ دانیہ شاہ کی درخواست ضمانت پر دلائل مکمل ہونے پر فیصلہ محفوظ کرلیا۔

ملزمہ کے وکیل لیاقت گبول ایڈووکیٹ نے موقف اپنایا کہ دانیہ شاہ نے کوئی ویڈیو نہیں بنائی اور نہ وائرل کی ہے، انہوں نے کہا کہ دانیہ شاہ پر بے بنیاد الزامات لگائے گئے ہیں۔

وفاقی تحقیقاتی ادارے ایف آئی اے نے ملزمہ کو ضمانت دینے کی مخالفت کرتے ہوئے کہا کہ ملزمہ کو ضمانت دی گئی تو خدشہ ہے ملک سے فرار ہو جائیں گی۔

دانیہ شاہ کو ایف آئی اے نے دسمبر 2022 میں لودھراں سے گرفتار کیا تھا۔

سیشن عدالت نے ملزمہ کی درخواست ضمانت مسترد کر دی تھی، دانیہ شاہ عدالتی ریمانڈ پر جیل میں ہیں۔