فرمان الہی
نماز کے اوقات
کراچی میں میمن گوٹھ لنک روڈ پر 3 ایگریکلچر فارمز میں ڈکیتی کی واردات ہوئی ہے، ڈاکو 100 سولر پلیٹس اور 60 سے زائد جانور ساتھ لے گئے۔
پولیس کے مطابق میمن گوٹھ کے علاقے میں قائم 3 ایگریکلچر فارم پر 20 سے زائد ڈاکوؤں نے دھاوا بول دیا۔
گزشتہ شب 12 بجے کے قریب ہونے والی واردات میں مسلح ملزمان نے فارم کے عملے کو یرغمال بنالیا۔
پولیس کے مطابق ڈاکوؤں نے ایگریکلچر فارم کے عملے کے ہاتھ پاؤں باندھے اور ایک کمرے میں بند کردیا۔
ڈاکوؤں نے بغیر کسی خوف کے صبح 5 بجے تک فارم پر لوٹ مار کی، واردات میں 100 سولر پلیٹس، 60 سے زائد بکرے، موبائل فونز اور دیگر قیمتی سامان لوٹ کر فرار ہوگئے۔
پولیس کا دعویٰ ہے کہ ملزمان کی گرفتاری کے لیے چھاپے مارے جارہے ہیں جلد لوٹا ہوا سامان برآمد اور ملزمان گرفتار کر لیے جائیں گے۔
