پیٹرول کی قیمت میں 5 روپے فی لیٹر کمی، 267 روپے کا ہوگیا

پیٹرول کی قیمت میں پانچ روپے فی لٹر کمی کردی گئی ہے۔ 

وزیر خزانہ اسحاق ڈار نے کہا ہے کہ پیٹرول کی قیمت میں 5 روپے فی لٹر کمی کی جارہی ہے۔ 

آئندہ 15 روز کے لیے ملک میں پیٹرول کی نئی قیمت 267 روپے فی لٹر مقرر کردی گئی۔ 

وزیر خزانہ نے لائٹ ڈیزل آئل کی قیمت میں 12 روپے فی لیٹر کمی کا اعلان کیا۔

لائٹ ڈیزل آئل کی قیمت 184 روپے 68 پیسے فی لیٹر مقرر کر دی گئی ہے۔

وزیر خزانہ کا کہنا ہے کہ مٹی کے تیل کی قیمت میں فی لیٹر 15 روپے کمی کی جا رہی ہے۔

مٹی کے تیل کی نئی قیمت 187 روپے 73 پیسے فی لیٹر مقرر کر دی گئی ہے۔

دوسری جانب وفاقی وزیر نے کہا ہے کہ ڈیزل کی قیمت 280 روپے پر برقرار رہے گی۔

وزارت خزانہ نے پیٹرولیم مصنوعات کی نئی قیمتوں کا نوٹیفکیشن جاری کر دیا ہے، نئی قیمتوں کا اطلاق آج رات 12 بجے سے ہوگا۔