گورنر سندھ کی سرکاری ملازمین کی تنخواہوں میں 40 فیصد اضافے کی تجویز

گورنر سندھ کامران خان ٹیسوری نے سرکاری ملازمین کی تنخواہوں میں 40 فیصد اضافے کی تجویز دے دی۔

گورنر سندھ کامران ٹیسوری نے وزیراعلیٰ سندھ مراد علی شاہ کو خط تحریر کیا ہے، جس میں سرکاری ملازمین کی تنخواہوں میں اضافے کی تجویز دی گئی ہے۔

گورنر سندھ کا کہنا ہے کہ ماہانہ اجرت 50 ہزار روپے مقرر کی جائے، شدید مہنگائی سے عام آدمی متاثر ہورہا ہے۔

خط میں گورنر سندھ کا مزید کہنا ہے کہ حالیہ سیلاب سے فصلیں متاثر ہوئی ہیں۔  طلب اور رسد میں فرق سے مہنگائی میں اضافہ ہو رہا ہے۔

خط کے متن میں کہا گیا ہے کہ ذخیرہ اندوزی اور مہنگائی سے حالات خراب ہورہے ہیں۔