فرمان الہی
نماز کے اوقات
پاکستانی خوبرو، معروف اداکارہ و گلوکارہ عروہ حسین نے شوہر، گلوکار و اداکار فرحان سعید اور والدین کے ہمراہ تصویریں شیئر کی ہیں۔
فرحان سعید اور عروہ حسین نے میٹھی عید کے موقع پر ایک ساتھ تصویریں شیئر کر کے اپنے چاہنے والوں کو خوبصورت سرپرائز دیا تھا۔
اس فنکار جوڑی کی نئی تصویروں نے اِن کی علیحدگی سے متعلق عرصۂ دراز سے پھیلی افواہوں کا دم توڑ دیا تھا۔
اب عروہ نے اپنے اور فرحان سعید کے والدین کے ہمراہ خوشگوار موڈ میں نئی تصویریں شیئر کی ہیں جس سے معلوم ہوتا ہے کہ اس جوڑی کے درمیان اگر کوئی اختلاف تھا بھی تو اب وہ ختم ہو چکا ہے۔
عروہ حسین نے اپنی اِن تصویروں کے کیپشن میں لکھا ہے کہ ’ ہم اپنے سرپرستوں کے ہمراہ ہیں‘۔
عروہ حسین کا اِن تصویروں کا اپلوڈ کرنا ہی تھا کہ اُن کے مداحوں اور شوبز شخصیات کی جانب سے اس پوسٹ پر بےحد خوشی اور اس جوڑی سے محبت کا اظہار کیا جا رہا ہے۔
