میں ابھی تک میرا جی کی شخصیت کو سمجھ نہیں سکی، آمنہ الیاس

10 مئی ، 2023

پاکستان شوبز انڈسٹری کی معروف ماڈل و اداکارہ آمنہ الیاس کا کہنا ہے کہ میں ابھی تک میرا جی کو سمجھ نہیں سکی۔

آمنہ الیاس نے اپنے ایک حالیہ انٹرویو میں اپنی ساتھی اداکارہ میرا کے ساتھ کام کرنے کے تجربے کے بارے میں بات کی۔

انہوں نے کہا کہ میرا جی کے ساتھ کام کرکے کافی مزہ آیا اور ان سے اچھی دوستی بھی ہے لیکن میں اُنہیں ابھی تک صحیح سے سمجھ نہیں سکی۔

اُنہوں نے مزید کہا کہ وہ جیسی نظر آتی ہیں وہ حقیقت میں بھی ویسی ہی ہیں یا پھر وہ اداکاری کرتی ہیں مجھے آج تک یہ بات سمجھ نہیں آئی لیکن انسان وہ اچھی ہیں۔

آمنہ الیاس نے کہا کہ میرا جی کا شمار ان نایاب لوگوں میں ہوتا ہے جوکہ اپنے جذبات دوسروں سے چُھپا نہیں سکتے۔

اُنہوں نے کہا کہ جیسے کہ ہم اداکار ہیں تو جب ہم سیٹ پر ہوتے ہیں تو ہم اپنے جذبات پر قابو رکھتے ہیں کسی کو بتاتے نہیں ہیں کیونکہ ہماری نجی زندگی میں کیا چل رہا ہے یا ہم کیسا محسوس ہورہا اس سے دوسروں کو کوئی فرق نہیں پڑتا۔

اُنہوں نے مزید کہا کہ لیکن میرا جی اپنے جذبات بالکل نہیں چُھپاتیں وہ جو بھی محسوس کررہی ہوتی ہیں وہ بول دیتی ہیں۔

انٹرٹینمنٹ سے مزید