فرمان الہی
نماز کے اوقات
اسلام آباد (محمد صالح ظافر) وزیراعظم شہباز شریف یوم تکریم شہداء پر خراج تحسین پیش کرنے کے لیےآج (جمعرات کو ) جی ایچ کیو میں تقریب کے موقع پر آرمی چیف عاصم منیر کےساتھ ہوں گے وہ جی ایچ کیو میں پرنسپل اسٹاف افسران سے ملنے کے علاوہ اس سے قبل پشاورکابھی طوفانی دورہ کریں گے۔ ریڈیو پاکستان کی عمارت جانے کے علاوہ گورنر ہاؤس میں امن وامان پر اعلی ٰسطح اجلاس کی صدارت کریں گے۔آج جمعرات کو وہ آرمی چیف کے ساتھ شہداءکی یادگار پرحاضری دے کر پھول چڑھائیں گے اور فاتحہ خوانی کرینگے۔ تقریب کےموقع پر جمع شہداء کے خاندانوں سے بھی ملیں گے۔اس موقع پر وزیراعظم ہاؤس میں بھی قرآن خوانی اور فاتحہ خوانی کا اہتمام کیا جائے گا۔ دورہ پشاور میں شہباز شریف ریڈیو پاکستان کی تاریخی عمارت بھی جائیں گے جسے 9مئی کوتحریک انصاف کے مبینہ کارکنوں نے آگ لگادی تھی گورنر ہاؤس پشاور میں وہ عمائدین سے بھی خطاب کریں گے
