فرمان الہی
نماز کے اوقات
اٹک سے تعلق رکھنے والے گانوں کے شوقین، سُریلی آواز کے مالک سبزی فروش کی ویڈیو سوشل میڈیا پر وائرل ہوگئی۔
22 سالہ عبدالرحیم اٹک کے سول بازار میں سبزی فروخت کرتے ہیں اور شہرت حاصل کرنے کے لئے گزشتہ کئی ماہ سے ٹک ٹاک پر کافی متحرک ہیں۔
تاہم ان کی ویڈیوز حال ہی میں اس وقت وائرل ہونا شروع ہوئیں جب انہوں نے اپنے گانوں کے شوق کو سبزی فروخت کرنے کے ساتھ جوڑ لیا اور گانا گاکر سبزی فروخت کرنا شروع کی۔
عبدالرحیم مختلف پاکستانی، بھارتی اور انگریزی گانوں کی دھنوں پر گانے گا کر سبزیاں بیچتے ہیں، اس طرح ان کی بِکری میں کتنا اضافہ ہوا یہ تو معلوم نہیں لیکن دن بہ دن ان کے فالوورز اور ویوز کی تعداد ضرور بڑھ رہی ہے۔
سبزی فروش عبدالرحیم کے ٹک ٹاک اکاؤنٹ پر فالوورز کی تعداد 99 ہزار سے تجاویز کر گئی ہے جبکہ انہیں 1.5 ملین لائکس مل چکے ہیں۔
انہیں کی گانا گاتے ہوئے سبزی بیجنے کی مختلف ویڈیوز پر 6 سے 7 ملین تک ویوز موصول ہوئے ہیں۔
