غزہ میں خراب نظامِ صحت سے بمباری سے زیادہ اموات کا خدشہ ہے: عالمی ادارۂ صحت

28 نومبر ، 2023

عالمی ادارۂ صحت کا غزہ کی صورتِ حال پر تشویش ناک بیان سامنے آیا ہے۔

ڈبلیو ایچ او کی جانب سے کہا گیا ہے کہ غزہ میں صحت کا نظام درست نہ ہوا تو بم باری سے زیادہ اموات ہو سکتی ہیں، غزہ کے الشفاء اسپتال کا غیر فعال ہونا اور اس کی ابتر حالت ایک سانحہ ہے۔

ڈبلیو ایچ او کے مطابق غزہ کے الشفاء اسپتال کو دوبارہ فعال دیکھنا چاہتے ہیں اور الشفاء اسپتال کے زیرِ حراست طبی عملے کے بارے میں بہت تشویش ہے۔

ڈبلیو ایچ او کی جانب سے کہا گیا ہے کہ غزہ کے الشفاء اسپتال کے عملے کی غیر جانبداری کا احترام کرنے کی ضرورت ہے۔

دوسری جانب غزہ سرکاری میڈیا آفس کی جانب سے کہا گیا ہے کہ غزہ پٹی کو بحالی کے لیے یومیہ1 ہزار امدادی ٹرکوں کی ضرورت ہے۔

غزہ میڈیا آفس کے مطابق غزہ میں سول ڈیفنس آلات، مشینیں اور طبی آلات کی ضرورت ہے، غزہ میں صحت کا نظام مکمل تباہی کا شکار ہے۔

غزہ سرکاری میڈیا آفس کے مطابق غزہ میں زندگی کا پہیہ رک گیا ہے۔

بین الاقوامی خبریں سے مزید