فرمان الہی
نماز کے اوقات
صوبہ پنجاب کے شہر لاہور کا فضائی معیار آج بھی خطرناک حد تک مضر صحت قرار دیا گیا ہے۔
عالمی ویب سائٹ ایئر کوالٹی انڈیکس کے مطابق لاہور دنیا کے آلودہ ترین شہروں میں آج بھی پہلے نمبر پر ہے۔
لاہور کا فضائی معیار انتہائی خطرناک حد تک مضرِ صحت جبکہ لاہور کی فضا میں آلودگی 325 پرٹیکیولیٹ میٹر ریکارڈ کی گئی ہے۔
اسی طرح شہرِ قائد کراچی کا فضائی معیار بھی انتہائی مضرِ صحت ہے جبکہ کراچی کا دنیا کے آلودہ ترین شہروں کی فہرست میں آج دوسرا نمبر ہے۔
ایئر کوالٹی انڈیکس کی رپورٹ کے مطابق کراچی کی فضا میں آلودگی 190 پرٹیکیولیٹ میٹر ریکارڈ کی گئی ہے۔
ایئر کوالٹی انڈیکس کے مطابق آلودہ ترین شہروں کی فہرست میں کویت آج تیسرے نمبر پر ہے۔
کویت کا فضائی معیار مضرِ صحت جبکہ اس میں آلودگی 188پرٹیکیولیٹ میٹر ریکارڈ کی گئی ہے۔
یاد رہے کہ 151 سے 200 درجے تک آلودگی مضر صحت، 201 سے 300 درجے تک آلودگی انتہائی مضرِ صحت جبکہ301 سے زائد درجہ خطرناک آلودگی کو ظاہر کرتا ہے۔
