فرمان الہی
نماز کے اوقات
پاراچنار (اے پی پی)ضلع کرم میں مسافر گاڑیوں پر فائرنگ کے نتیجے میں سیکورٹی اہلکار اور خاتون سمیت 4؍ افراد جاں بحق ہوگئے ، صدہ بازار کے قریب گاڑیوں کو نشانہ بنایا گیا، فورسز نے علاقہ گھیرے میں لیکر سرچ آپریشن شروع کردیا۔ تفصیلات کے مطابق ضلع کرم میں صدہ بازار کے قریب مسافر گاڑیوں پر مسلح افراد کی فائرنگ سے ایک خاتون سمیت4افراد جاں بحق اور 3زخمی ہو گئے ہیں ،پولیس ذرائع کے مطابق پاراچنار سے پشاور جانے والی فیلڈرکار اور کوچ پر صدہ بازار کے قریب مسلح افراد نے فائرنگ کردی جس کے نتیجے میں ایک خاتون سمیت 4 افراد جاں بحق اور 3 زخمی ہو گئے ،ڈی پی او ضلع کرم محمد عمران کا کہنا ہے کہ واقعے کے بعد حملہ آوروں کی تلاش شروع کر دی گئی ہے اور ملزموں کی گرفتاری کی کوشش کی جا رہی ہے ۔
