• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی، بڑے سرکاری اسپتالوں سے سی ٹی اسکین کیلئے درکار انجکشن غائب

آج کا اخبار
اہم خبریں
22 جنوری ، 2024
کراچی(آئی این پی)کراچی کے بڑے سرکاری اسپتالوں میں سی ٹی اسکین کیلئے لگائے جانے والا انجکشن غائب ہے۔اسپتالوں کی انتظامیہ مریضوں کو انجکشن باہر سے لانے کی ہدایت دے رہی ہے ، 3ہزار والا انجکشن 8ہزار روپے میں دستیاب ہے ۔ ادھر نگراں وزیر صحت سندھ کانٹراسٹ انجکشن کی قلت سے ناواقف بظر آئے ۔ سعد خالد نیاز نے کہا کہ کمی کا علم نہیں ، جلد تفصیلات لونگا۔ ذرائع کے مطابق سی ٹی اسکین کے لیے مریضوں کو کانٹراسٹ انجکشن لگایا جاتا ہے جو ڈاؤ اوجھا کیمپس، سول اور جناح اسپتال میں نہیں مل رہا۔ذرائع نے بتایا کہ اسپتال مریضوں کو سی ٹی اسکین کیلئے انجکشن باہر سے لانے کی ہدایت کر رہے ہیں اور مارکیٹ میں کانٹراسٹ انجکشن زائد قیمت پر فروخت ہو رہا ہے اور 3سے 4 ہزار روپے میں ملنے والا انجکشن 8ہزار روپے میں مل رہا ہے۔ اسپتال انتظامیہ کے مطابق درآمد میں کمی کے باعث انجکشن کی قلت ہے، جلد مسئلے کو حل کرنے کی کوشش کر رہے ہیں۔دوسری جانب نگراں وزیر صحت سندھ ڈاکٹر سعد خالد نیاز اسپتالوں میں کانٹراسٹ انجکشن کی قلت سے ناواقف نظر آئے۔میڈیا سے گفتگو کرتے ہوئے ڈاکٹر سعد خالد نیاز نے کہا کہ متعدد سرکاری اسپتالوں میں کانٹراسٹ انجکشن کی کمی کا علم نہیں، اگر کانٹراسٹ انجکشن دستیاب نہیں تو یہ سنجیدہ صورتحال ہے، جلد کانٹراسٹ انجکشن سے متعلق تفصیلات لوں گا۔
اہم خبریں سے مزید