فرمان الہی
نماز کے اوقات
پاکستان مسلم لیگ (ن) کے سینئر رہنما خواجہ سعد رفیق نے کہا کہ بانی پی ٹی آئی کی جیل میں بیٹھنے کی خوشی نہیں ہے۔
این اے 122 میں گوہاوا پنڈ میں جلسے سے خطاب میں سعد رفیق نے کہا کہ اس علاقے میں اسکول نہیں تھے، سیوریج کا نظام بھی موجود نہیں تھا۔
انہوں نے کہا کہ اس علاقے کا کوئی اسکول ایسا نہیں، جسے اپ گریڈ نہیں کیا، ہم نے 16 ماہ انتھک کام کیا۔
ن لیگی رہنما نے مزید کہا کہ ہم نے 16 ماہ کی حکومت میں آرام نہیں کیا اور ملک کو دیوالیہ ہونے سے بچایا۔
اُن کا کہنا تھا کہ رنگ روڈ شہباز شریف نے بنایا، ووٹ کی طاقت سے علاقے کے لوگوں کی زندگی آسان ہوگئی۔
سعد رفیق نے یہ بھی کہا کہ سازش کر کے ہمیں نہیں ترقی کو ریورس گیئر لگا دیا، اب اقتدار میں آئے تو میٹرو بسیں رنگ روڈ سے ملائیں گے۔
انہوں نے کہا کہ بانی پی ٹی آئی جیل میں بیٹھ گئے ہیں، اس کی خوشی نہیں ہے۔
