فرمان الہی
نماز کے اوقات
گوجرانوالہ کے پہلوانوں کی جانب سے پاکستان مسلم لیگ (ن) کے قائد نواز شریف، صدر مسلم لیگ (ن) شہباز شریف اور مریم نواز کو تحفہ دیا گیا۔
مسلم لیگ ن نے گوجرانوالہ میں آج انتخابی جلسہ کا انعقاد کیا، جس میں پہلوانوں نے نواز شریف کے ساتھ ساتھ شہباز شریف اور مریم نواز کو بھی پہلوانی گرز پیش کیا۔
مریم نواز پہلوانوں کی جانب سے گرز دیے جانے پر بہت خوش نظر آرہی ہیں، جس کا اظہار انہوں نے اپنے سوشل میڈیا پر بھی کیا ہے۔
سوشل میڈیا صارفین کی جانب سے مریم نواز کی گرز اٹھائے تصاویر کو خوب شیئر کیا جارہا ہے، جبکہ چیف آرگنائزر مریم نواز بھی ان پیغامات کا بھرپور جواب دے رہی ہیں۔
گوجرانوالہ کے پہلوانوں کی جانب سے نواز شریف کو پگڑی بھی پہنائی گئی، جبکہ مسلم لیگ ن کے صدر شہباز شریف کو بھی پہلوانوں نے پگڑی پہنائی اور گرز تحفے میں دیا۔
