اروند کیجریوال کی گرفتاری، آج وزیرِ اعظم ہاؤس کے سامنے احتجاج کا اعلان

نئی دہلی کے وزیرِ اعلیٰ اروند کیجریوال کی گرفتاری کے خلاف عام آدمی پارٹی نے آج وزیرِ اعظم ہاؤس کے سامنے احتجاج کا اعلان کیا ہے۔

بھارتی میڈیا کے مطابق وزیرِ اعظم ہاؤس کے قریب واقع 3 میٹرو اسٹیشن بند کر دیے گئے ہیں۔

عام آدمی پارٹی کا کہنا ہے کہ اروند کیجریوال کی گرفتاری کا مقصد آئندہ ماہ ہونے والے انتخابات سے قبل وزیرِ اعظم نریندر مودی کو چیلنج کرنے والے سیاستدانوں کو سائیڈ لائن کرنا ہے۔

نئی دہلی کے وزیراعلیٰ اروند کیجریوال گرفتار

اروند کیجریوال کو ایکسائز پالیسی کیس میں گرفتار کیا گیا ہے۔

واضح رہے کہ 21 مارچ کو نئی دہلی کے وزیرِ اعلیٰ اروند کیجریوال کو گرفتار کیا گیا تھا۔

بھارتی میڈیا کے مطابق اروند کیجریوال پر شراب پالیسی میں گھپلے کا الزام ہے۔

نئی دہلی کے گرفتار وزیرِ اعلیٰ اروند کیجریوال کو 28 مارچ تک انفورسمینٹ ڈائریکٹوریٹ کی تحویل میں دے دیا گیا ہے۔