کراچی میں پاسپورٹ آفس 24 گھنٹے فعال

کراچی والوں کے لیے اب پاسپورٹ آفس عوامی مرکز برانچ 24 گھنٹے کھلی رہے گی۔

اسسٹنٹ ڈائریکٹر کا کہنا ہے کہ پاسپورٹ کی فیس آن لائن کسی وقت بھی جمع کرائی جاسکتی ہے۔

شہریوں نے فیصلے کا خیرمقدم کرتے ہوئے کہا کہ پاسپورٹ آفس 24 گھنٹے کھلا رکھنے کا فیصلہ اچھا ہے۔

شہریوں کے مطابق دن میں مصروفیات کے باعث پاسپورٹ بنوانا مشکل ہوتا تھا، رات میں آسانی سے پاسپورٹ بنوایا جاسکتا ہے۔

وفاقی وزیرداخلہ محسن نقوی نے کراچی کے دورے پر پاسپورٹ آفس 24 گھنٹے کھلا رکھنے کا اعلان کیا تھا۔