ایشین انڈر21 اور 6 ریڈ بال اسنوکر میں پاکستانی کیوسٹس نے کامیاب آغاز

ریاض میں جاری ایشین انڈر21 اور 6 ریڈ بال اسنوکر چیمپئن شپ میں پاکستانی کیوسٹس نے کامیاب آغاز کیا ہے، اسجد اقبال،اویس منیر اور حسنین اختر نے حریفوں کو مات دے دی ۔

ایشین 6 ریڈ بال اسنوکر چیمپئن شپ میں اسجد اقبال نے عالمی چیمپئن علی العبیدی کو شکست دی، اسجد نے قطر کے کھلاڑی کیخلاف بیسٹ آف 7 فریم کا میچ چار۔ایک سے جیتا۔

اویس منیر نے پہلے میچ میں کویت کے مقداد تقی کو چار۔صفر سے زیر کیا۔

انڈر21 چیمپئن شپ میں پاکستان کے حسنین اختر نے تھائی لینڈ کے کیوسٹ کو شکست دی جبکہ احسن رمضان کو انڈر21 چیمپئن شپ میں بحرین کے حسین عقیل کے خلاف واک اوور مل گیا۔