گجرات کے عوام مینڈیٹ چوروں کو جانتے ہیں، قیصرہ الہٰی

سابق وزیراعلیٰ پنجاب چوہدری پرویز الہٰی کی اہلیہ قیصرہ الہٰی نے کہا ہے کہ گجرات کے عوام مینڈیٹ چوروں کو جانتے ہیں۔

گجرات میں میڈیا سے گفتگو میں قیصرہ الہٰی نے کہا کہ گجرات کی عوام جانتے ہیں کہ انہوں نے ووٹ کس کو دیا اور مینڈیٹ چوری کس نے کیا۔

انہوں نے کہا کہ عوام کے چوری شدہ مینڈیٹ کی واپسی تک کسی سے کوئی بات نہیں ہوگی۔

قیصرہ الہٰی نے مزید کہا کہ عام انتخابات میں مینڈیٹ چوری پر الیکشن ٹریبونل بن چکے ہیں، ہمیں عدالتوں پر پورا اعتماد ہے، انشاء اللّٰہ وہیں سے ہمیں انصاف ملے گا۔