• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کینسر سے جنگ لڑنے والی اداکارہ حنا خان کو بال کٹواتے دیکھ کر والدہ اور مداح جذباتی ہو گئے

تازہ ترین
انٹرٹینمنٹ
04 جولائی ، 2024
کولاج بشکریہ سوشل میڈیا
کولاج بشکریہ سوشل میڈیا 

بھارتی معروف اداکارہ حنا خان میں چند روز قبل ہی چھاتی کے کینسر کے اسٹیج تھری کی تشخیص ہوئی ہے۔ 

36 سالہ حنا خان نے اپنے پرستاروں اور چاہنے والوں اس افسوس ناک خبر سے انسٹاگرام اکاؤنٹ کے ذریعے آگاہ کیا تھا۔

اب اداکارہ حنا خان نے اپنے انسٹاگرام پر نئی ویڈیو شیئر کی ہے جسے دیکھ کر اُن کے مداح جذباتی ہو گئے ہیں۔

سمانتھا رتھ پرابھو نے حنا خان کو جنگجو قرار دیدیا

بھارتی فلموں اور ٹیلی ویژن کی اداکارہ حنا خان نے چند روز قبل انکشاف کیا کہ ان میں اسٹیج تھری کے کینسر کی تشخیص ہوئی ہے۔ 36 سالہ حنا خان نے اپنے پرستاروں اور چاہنے والوں کے لیے اسکی تصدیق اپنے انسٹا گرام پر ایک پوسٹ میں کی۔

ویڈیو میں اداکارہ کو پہلے اپنے بالوں کو گندواتے ہوئے اور بعد ازاں اپنے لمبے خوبصورت بالوں کو کاٹتے اور کٹواتے ہوئے دیکھا جا سکتا ہے۔

اداکارہ حنا خان نے یہ فیصلہ کیموتھیراپی سے قبل مطلوبہ قواعد کے تحت لیا ہے۔

ویڈیو میں کینسر سے جنگ لڑتی اداکارہ کو ہنستے مسکراتے ہوئے جبکہ اُن کی والدہ کو روتے ہوئے سُنا جا سکتا ہے۔

حنا خان کی والدہ کینسر سے جنگ لڑتی اپنی بیٹی کے اس جرأت مندانہ فیصلے پر جذباتی نظر آ رہی ہیں۔


ویڈیو میں حنا خان اپنی والدہ کو حوصلہ دے رہی ہیں اور رونے سے منع کر رہی ہیں جبکہ اداکارہ کی والدہ روتے ہوئے کہہ رہی ہیں کہ ’ایسا نہ کرو، اپنے بال نہیں کٹواؤ۔‘

بھارتی اداکارہ حنا خان میں چھاتی کے کینسر کی تشخیص

بھارتی ڈراموں سے شہرت کی بلندی کو چھونے کے بعد ہندی فلم انڈسٹری میں قدم رکھنے والی اداکارہ حنا خان سینے کے سرطان میں مبتلا ہوگئی ہیں۔

حنا خان نے اپنی اس پوسٹ پر ایک طویل کیپشن بھی لکھا ہے جس میں اُن کا بتانا ہے کہ میری والدہ کشمیری زبان میں مجھے دعائیں دے رہی ہیں۔

حنا خان کا کہنا ہے کہ ’میں ہار ماننے کے بجائے جیت کے راستے کو چنا ہے۔‘

انٹرٹینمنٹ سے مزید