ریشم نے اپنا نام تبدیل کرنے کی وجہ بتا دی

پاکستانی فلم انڈسٹری کی معروف اداکارہ ریشم نے انکشاف کیا ہے کہ ان کا اصل نام صائمہ ہے۔

انہوں نے اپنے اصل نام کا انکشاف کرتے ہوئے یہ بھی بتایا کہ ان کا پہلا سیریل آن ایئر جانے سے قبل راتوں رات ان کا نام کیوں تبدیل کیا گیا۔

حال ہی میں اداکارہ ریشم نے نجی ٹی وی چینل کے پروگرام میں بطور مہمان شرکت کی اور مختلف امور پر کھل کر بات چیت کی۔

15 برس قبل فلم انڈسٹری کو خیر باد کہنے والی اداکارہ نے حالیہ انٹرویو کے دوران ایک سوال کا جواب دیتے ہوئے بتایا کہ ان کا اصل نام صائمہ ہے، لیکن انڈسٹری میں اس نام کی مقبول اداکارہ پہلے ہی کام کر رہی تھیں اس لیے یہ ان کی بہن کا خیال تھا کہ نام تبدیل ہونا چاہیے۔

انہوں نے بتایا کہ ڈرامہ آن ایئر جانے سے ایک رات قبل ان کی بڑی بہن نے بہت غور و فکر کے بعد انہیں ریشم نام دیا اور پہلے ہی ڈرامے میں ان کا نام ریشم لکھا گیا۔

دوران گفتگو میزبان نے اداکارہ سے اب تک شادی نہ کرنے کی وجہ پوچھی تو انہوں نے جواب دیتے ہوئے کہا کہ وفاداری، عزت اور خلوص یہ وہ تین خصوصیات ہیں جوکہ ایک شریکِ حیات میں ہونی چاہئیں لیکن آج کل یہ کسی ایک شخص میں ملنا مشکل ہے۔

ریشم نے اب تک شادی نہ کرنے کی وجہ بتادی

پاکستانی ڈرامہ و فلم انڈسٹری کی اداکارہ ریشم نے اب تک شادی نہ کرنے کی وجہ بتادی۔

میزبان نے مزید جاننا چاہا کہ یہ خصوصیات آج کے دور میں ملنا مشکل ہیں لیکن ان کے پاس کافی ٹائم تھا تو اب تک شادی کیوں نہیں کی؟

انہوں نے سوال کا جواب دینے سے گریز کرتے ہوئے کہا کہ انہیں کئی افراد سے محبت ہوئی اور ان کا دل کئی افراد کے پیار کی وجہ سے زخمی بھی ہوا، تاہم انہوں نے یہ واضح طور پر نہیں بتایا کہ ان سے کسی کو محبت ہوئی یا نہیں؟