کارساز واقعہ: سینیٹ قائمہ کمیٹی برائے صحت نے ملزمہ کی رپورٹ طلب کرلی

کراچی کے علاقے کارساز کے قریب تیز رفتار جیپ کے موٹر سائیکلوں کو روندنے اور باپ بیٹی کی ہلاکت کے واقعے پر سینیٹ قائمہ کمیٹی برائے صحت نے ملزمہ کی رپورٹ طلب کرلی ہے۔

چیئرمین قائمہ کمیٹی برائے صحت عامر چشتی کا کہنا ہے کہ ملزمہ کے ٹیسٹ اور صحت پر جناح اسپتال انتظامیہ سے رپورٹ طلب کی ہے، ملزمہ کے ٹیسٹ اور دیگر کارروائی پر عوام میں شکوک پائے جارہے تھے۔

کراچی: تیز رفتار کار کی ٹکر سے لڑکی سمیت 2 افراد جاں بحق، خاتون ڈرائیور تھانے منتقل

حادثے کی ذمے دار خاتون کو بہادر آباد تھانے منتقل کر دیا گیا، پولیس کے مطابق لواحقین کی مدعیت میں مقدمہ درج کیا جائے گا۔

عامر چشتی نے کہا کہ یقینی بنائیں گے کہ کوئی فاؤل پلے نہ ہو۔

یاد رہے کہ 19 اگست کی شام  کارساز کے قریب تیز رفتار گاڑی نے موٹر سائیکلوں کو روندتے ہوئے گاڑی کو ٹکر مار دی تھی جس کے نتیجے میں خاتون سمیت 2  افراد جاں بحق اور 4 زخمی ہوگئے تھے۔