فرمان الہی
نماز کے اوقات
پانی ناصرف انسان کے زندہ رہنے کے لیے ضروری ہے بلکہ یہ انسان کی اچھی صحت کو برقرار رکھنے کے لیے بھی بہت اہم ہے۔
صبح نہار منہ پانی پینے کے کئی حیرت انگیز فوائد ہیں، نہار منہ پانی پینے کی عادت کو اپنا کر صحت پر نمایاں بہتری لا سکتے ہیں۔
یہاں ایک نظر نہار منہ پانی پینے کے حیرت انگیز فوائد پر ڈال لیتے ہیں۔
کئی گھنٹوں کی نیند کے بعد انسان کا جسم پانی کی کمی کا شکار ہو جاتا ہے، اس لیے نہار منہ پانی پینے سے جسم میں پانی کی کمی نہیں ہوتی اور انسان کے میٹابولزم میں بہتری آتی ہے۔
ایک تحقیق کے مطابق نہار منہ پانی پینے سے انسان کو ہر تھوڑی دیر بعد بھوک نہیں لگتی اور جسمانی توانائی بڑھ جاتی ہے جو جسمانی سرگرمیوں کو بحال رکھنے میں مدد کرتی ہے اور وزن بھی نہیں بڑھتا۔
جن لوگوں کو کھانے کے بعد تیزابیت ہوتی ہے یا اکثر ہی سینے میں جلن کی شکایت رہتی ہے تو نہار منہ پانی پینے سے یہ مسئلہ بھی حل ہو جائے گا۔
نہار منہ پانی پینے کی عادت اپنانے سے انسانی جسم کی قوتِ مدافعت میں بھی بہتری آتی ہے جس کے نتیجے میں عام امراض جیسے نزلہ، زکام اور بخار وغیرہ کا امکان کم ہو جاتا ہے اور قبض جیسے مسئلے کا سامنا بھی نہیں کرنا پڑتا۔
نہار منہ پانی پینے کی عادت کو اپنانے سے چہرے پر جھریاں پڑنے جیسے مسائل کا سامنا نہیں کرنا پڑتا، انسان کی جلد صحت مند اور چہرہ تروتازہ نظر آتی ہے۔
صرف جلد ہی نہیں بلکہ نہار منہ پانی پینے کی عادت کو اپنانے سے بالوں کی بھی صحت مند نشو و نما ہوتی ہے اور وہ مضبوط اور چمکدار ہو جاتے ہیں۔
