ایران 12 گھنٹے میں اسرائیل پر حملہ آور ہوسکتا ہے، امریکی اخبار

امریکی اخبار نے دعویٰ کیا ہے کہ ایران 12 گھنٹے کے اندر اسرائیل پر حملہ آور ہوسکتا ہے۔ 

نیو یارک ٹائمز کی رپورٹ میں کہا گیا ہے کہ اسرائیل میں امریکی سفارتکاروں کو بم شیلٹر کے قریب رہنے کا حکم دے دیا گیا۔

دوسری جانب عرب میڈیا کے مطابق استنبول میں صباح الدین زعیم یونیورسٹی میں اسلام اور عالمی امور کے مرکز کے ڈائریکٹر سامی الاریان کا کہنا ہے کہ اسرائیل کے لبنان پر زمینی حملے نے ایران پر ردعمل دینے کا دباؤ بڑھا دیا ہے۔

لبنان: اسرائیلی فوج کو زمینی لڑائی میں شدید مزاحمت کا سامنا، صہیونی بھاگنے پر مجبور

ق بیروت میں مقیم سیکیورٹی اور سیاسی امور کے تجزیہ کار علی رزق کا کہنا ہے کہ اسرائیلی فوج نے گزشتہ رات جنوبی لبنان میں حزب اللّٰہ کے جنگجوؤں پر دباؤ ڈالنے کی کوشش کی لیکن وہ شدید مزاحمت کے باعث پیچھے ہٹنے پر مجبور ہوگئے، عرب میڈیا

انہوں نے الجزیرہ کو بتایا، ’یقینی طور پر، اس وقت ایران شدید دباؤ میں ہے کیونکہ اس سے توقع کی جا رہی ہے کہ وہ اسرائیل کی طرف سے شروع کی جانے والی اس نسل کش جنگ میں مکمل شریک ہوگا۔‘

تاہم ان کا یہ بھی ماننا ہے کہ ایران فوری طور پر براہ راست مداخلت نہیں کرے گا۔

سامی الاریان کا کہنا تھا، ’ایران حزب اللّٰہ کی اس جنگ میں اسرائیل کی جنگی مشین کا مقابلہ کرنے میں بھرپور حمایت کرے گا۔ ایران اس میں شامل ہوگا لیکن اس وقت وہ براہ راست مداخلت نہیں کرنا چاہتا۔‘

انہوں نے مزید کہا کہ حزب اللّٰہ کے پاس بےپناہ وسائل ہیں، جو زیادہ تر ایران کے ذریعے فراہم کیے جاتے ہیں۔‘