فرمان الہی
نماز کے اوقات
سابق اسپیکر قومی اسمبلی اور پی ٹی آئی رہنما اسد قیصر نے بانی تحریک انصاف سے ملاقات پر عائد پابندی پر سخت تشویش کا اظہار کیا ہے۔
اسد قیصر نے جماعت اسلامی کے سینئر رہنما لیاقت بلوچ سے ٹیلیفونک رابطہ کیا اور کہا کہ بانی تحریک انصاف سے ملاقات پر پابندی پر سخت تشویش ہے۔
انہوں نے کہا کہ ہمارا مطالبہ ہے کہ تحریک انصاف کے رہنماؤں کی بانی سے ملاقات کروائی جائے۔
دوران گفتگو لیاقت بلوچ نے کہا کہ بانی پی ٹی آئی سمیت کسی قیدی سے ملاقات پر پابندی عائد نہیں ہونی چاہیے۔
ان کا کہنا تھا کہ احتجاج سیاسی جماعتوں کا آئینی اور جمہوری حق ہے۔شنگھائی تعاون تنظیم (ایس سی او) کے سربراہی اجلاس کو پُرامن ماحول میں ہونے دیا جائے، ہر پارٹی اس قدم پر احتجاج سے اجتناب کرے۔
جماعت اسلامی کے رہنما نے مزید کہا کہ 17 اکتوبر سے احتجاج کا حق پوری قوت سے استعمال کیا جاسکتا ہے۔
