نیتن یاہو کا گھر پر مبینہ ڈرون حملے کے بعد پہلا بیان سامنے آگیا

اسرائیلی وزیراعظم نیتن یاہو نے گھر پر مبینہ ڈرون حملے کے بعد پہلا بیان جاری کردیا۔

عرب میڈیا رپورٹس کے مطابق اسرائیلی وزیراعظم نے کہا ہے کہ کوئی چیز ہمارے ارادے کو متزلزل نہیں کرسکتی، اختتام تک اپنا مشن جاری رکھا جائےگا۔

اسرائیلی وزیراعظم نیتن یاہو کے گھر پر ڈرون حملہ

اسرائیلی وزیراعظم نیتن یاہو کے ذاتی گھر کے نزدیک ڈرون حملہ ہوا ہے۔

اسرائیل نے الزام لگایا ہے کہ قیساریہ میں نیتن یاہو کی رہائش گاہ پر ڈرون حملے کے پیچھے ایران کا ہاتھ ہے۔

اسرائیلی میڈیا رپورٹ کے مطابق قیساریہ میں نیتن یاہو کے گھر پر مبینہ ڈرون حملےمیں کوئی زخمی نہیں ہوا، حملے کے وقت اسرائیلی وزیراعظم اور ان کی اہلیہ گھر پر موجود نہیں تھیں۔