فرمان الہی
نماز کے اوقات
جنوبی کوریا کی مشہور کمپنی ایل جی نے حیران کر دینے والی نئی لچکدار و کھنچنے والی ٹی وی و موبائل اسکرین متعارف کروا دی۔
کمپنی کو یہ 12 انچ کی لچکدار اسکرین تیار کرنے میں تقریباً 5 سال لگے جسے کھینچ کر 18 انچ تک مزید بڑا کیا جا سکتا ہے، یہاں تک کہ اس اسکرین کو موڑ کر اس میں بَل بھی دیا جا سکتا ہے۔
کمپنی کے مطابق اس اسکرین کی ریزولوشن 100 پکسلز فی انچ ہے جو کمپیوٹر مانیٹر کی معیاری ریزولوشن 72 سے 300 پکسلز فی انچ کے لیے انتہائی مناسب ہے۔
کمپنی نے بتایا ہے کہ اسکرین کو کھینچنے سے یہاں تک کہ کم یا زیادہ درجۂ حرارت میں بھی اس پر تصویر کی کوالٹی برقرار رہے گی۔
کمپنی کے مطابق اس اسکرین کو کسی بھی جگہ جیسے کہ کار کے ڈیش بورڈ وغیرہ پر بھی رکھ کر استعمال کیا جا سکتا ہے۔
کمپنی نے بتایا ہے کہ اس اسکرین کو فیشن انڈسٹری میں کپڑوں پر بھی استعمال کیا جا سکتا ہے۔
کمپنی کے مطابق اس اسکرین کی سب سے خاص بات یہ ہے کہ اسے اپنے اصلی سائز سے 50 فیصد زیادہ تک کھینچا جا سکتا ہے۔
